Za mu dawo da tallafin man fetur - Kwankwaso
Za mu dawo da tallafin man fetur - Kwankwaso Mataimakin ɗan takarar shugaban ƙasa na jam’iyyar NDC, Rabiu Musa Kwankwaso, ya ce jam’iyyar za ta ɗauki duk matakan da suka dace, ciki har da dawo da…
Ay Abdullahi · Admin
· 1 min read

Za mu dawo da tallafin man fetur - Kwankwaso
Mataimakin ɗan takarar shugaban ƙasa na jam’iyyar NDC, Rabiu Musa Kwankwaso, ya ce jam’iyyar za ta ɗauki duk matakan da suka dace, ciki har da dawo da tallafin man fetur, domin rage farashinsa idan ta lashe zaɓen 2027.
Kwankwaso, tsohon gwamnan Kano, ya bayyana hakan ne yayin wata hira da gidan talabijin na Channels TV a shirin Politics Today ranar Alhamis.
Ya ce har yanzu ’yan Najeriya ba su farfaɗo daga girgizar tattalin arzikin da cire tallafin man fetur ya haifar ba tun bayan da Shugaba Bola Tinubu ya sanar da matakin a ranar 29 ga Mayun 2023.
A cewarsa, farashin makamashi a ƙasar ya yi tsada matuƙa, lamarin da ke ƙara jefa jama’a cikin wahalhalun rayuwa.
Kwankwaso ya bayyana cewa NDC ta tattauna kan hanyoyin magance matsalar, yana mai cewa ya kamata a yaƙi cin hanci da rashawa a masana’antar man fetur domin sauƙaƙa wa ’yan Najeriya.
Ya ce matsayar jam’iyyar ita ce za ta yi duk abin da ya dace, har da yiwuwar dawo da tallafin, domin rage farashin man fetur da sauƙaƙa rayuwar talakawa.
A watan Satumban 2026, ɗan takarar shugaban ƙasa na NDC, Peter Obi, ya bayyana cewa gwamnatinsa za ta iya dawo da tallafin man fetur bayan ta magance matsalar cin hanci da rashawa.
Haka kuma, tsohon mataimakin shugaban ƙasa, Atiku Abubakar, wanda ke takarar shugaban ƙasa a ƙarƙashin jam’iyyar ADC, ya ce zai dawo da tallafin idan ya lashe zaɓen 2027.
Ɗan takarar jam’iyyar PRP, Donald Duke, shi ma ya yi alƙawarin rage farashin litar man fetur zuwa kusan naira 300 idan aka zaɓe shi shugaban ƙasa.
More from TimesPosts

Siyasa Nigeria A Yau. ::: Matsin rayuwa da yan Nijeriya ke ciki zai iya baiwa APC matsala a Arewa a zaɓe mai zuwa - Kawu Sumaila
Matsin rayuwa da yan Nijeriya ke ciki zai iya baiwa APC matsala a Arewa a zaɓe mai zuwa - Kawu SumailaSanatan Kano ta Kudu, Suleiman Kawu, ya ce jam’iyyar APC na fuskantar ƙalubale wajen samun goyon…
Ay Abdullahi2 min read

Siyasa Nigeria A Yau. :::: Mun biya Naira biliyan 37 na bashin ƴan fansho da mu ka gada - Gwamna Abba
Mun biya Naira biliyan 37 na bashin ƴan fansho da mu ka gada - Gwamna Abba Gwamnan Kano, Abba Kabir Yusuf, ya ce gwamnatinsa ta biya Naira biliyan 37 daga cikin bashin fansho da giratuti da ta gada…
Ay Abdullahi1 min read

Shin Maine Gaskiya Magana Akan Gwammana Abba Kabir Yusuf. :::: GWAMA ABBA BAI SAKI MATARSA BA
GWAMA ABBA BAI SAKI MATARSA BANa sa kudi Naira Miliyon uku (₦3,000,000) duk wanda ya kawo min hujja cewa Maigirma Gwamnan jihar Kano Engr Abba Kabir Yusuf ya saki matarsa Hajiya Zainab zan bashi…
Ay Abdullahi1 min read